فاضت مشاعرنا وجادت يدينا
وبأشعارنا بأجمل وصوفك رسمناك
من يوم في شاطي غرامك رسينا
ماتت عذاريبك وعاشت مزاياك
حنا لك الله ننعمي لا هوينا
إن جاك ود قلوبنا البيض جيناك
وليا خذانا الولف صوبك خذينا
حزنك ومن عالم همومك خذيناك
ولا تندمنا على ما عطينا
لو كنت ما تسوى ولو ربع ما جاك
وإن كان ودك بالكلام اليقينا
علمٍ يطب بخاطرك ويتعداك
ماهو خطاك إنك تكبر علينا...
هذا خطانا فوق حجمك عطيناك
حنا على طيب التعامل ربينا
والطيب ما يصلح لمثلك وشرواك
ولا هو معذربنا ليامن غدينا
عن سود شوفاتك وخايب نواياك
حنا الكرم مخلوق منا وفينا
بديهة ما هو لاجل نكسب رضاك