يا اللي لقيتك بعد طول الصبر وسنين الضياع
بموت وأفنى من غرامك لا شبعت ولا رويت
عيشتني جو النفوس اللي تطيع ولا تطاع
وشجعتني على الصراحة لين قدامك حكيت
أزين ما فيك تقدر الأوضاع قدر المستطاع
وأشين ما فيك يضيق صدرك لا شكيت ولا بكيت
وتخاف لحظات اللقاء وتحب لحظات الوداع
دايم تاخر ما تجي وإن جيت عجلت ومشيت
تراك مثل العافية تشرى ولكن ما تباع
وأنا الذي سمتك من الدنيا وباعت واشتريت
اجبر عزاي بكلمتين يصير للدنيا متاع
أنا نسيت أني بموت إن مت أربك ما نسيت
الصدق مثل الموت ما يقدم عليه إلا شجاع
وأنا الصدوق إلي صدق من يوم غنا فيك بيت
أرجو قصيدي ينفهم ما والله أرجو الاستماع
أنا أدري أنك قد سمعت وقد قريت إلي قريت
تجرت الدمعة على العشاق في شتى البقاع
ماهوب عيب ليا بكيت العيب والله لو شكيت

خالد مبارك