قيمتك ماطاحت.. ولا قل لك شأن
لو سكّتي ماوصلّتني لبابك
وانا ادري اني مـعك مـاكنت غلطان
لكن ماتعرف خطاك وصوابك
وشلون اعـيش الـحب من غـير عـنوان
وشـلون ابرّوي خاطري من سرابك
وانت الخـطايا عـندك اشكال والوان
وانا احترم قدرك واعزّز جـنابك
اما اقتنع بالوضع ماني بمشعان
هذي هي الـلي عنـدها احـسب حسابك
مانـيب لا رابح ولا انـتـه بخـسران
ولابـغـى تراب ارضك ولا ارجي سحابك
يعجبـك .. والا اشّتـك علـى حقـوق الانسان
سمحت من لذّة جفاك وعذابك
ان رحت تلقى لك من الناس خلان
وإن جـيت ماني قايل ٍويش جابك
أحيان أحس أني بحاجتك وأحيان
من جد أحس إني بحاجة غيابك
مشعان البراق