البارحة كنتي أحلا شيء في السهرة
لولاك ما أحلوت القهوة بفنجالي
الطاولة مزهرية وأنتي الزهرة
أول تفاصيل حسنك مالها تالي!
ماحولك إلا الحلا وعيون منبهرة
ما للصبايا مقام فـ برجك العالي
هذيك غيرانه وهذيك منقهره
وأنتي تقولين غيري ماله ومالي
ماغاب من حسنك يكفّي عنه جهره
كلٍ بالإعجاب جاهر ماني لحالي
مابين ذيك الظلوع قلوب منصهره
عنك نتسلى ولكن ماحدٍ سالي
بكل وصفٍ يسر العين مزدهرة
سريتي ولا سرت صورتك من بالي
يفدنك ملاحقات المال والشهرة
الفاشنيستات واللي مالهن والي
سبقتي الخيل يوم السبق يامهره
كما سبق سيف حبك عذل عذالي
نايف معلا