سامحيني.. وأقبلي تنهيدتي.. يـ ضلوعي
المساء الليلة ما هو بـ اللي من اول عصره
طاحت دموعي وأنا ماني بـ أحب دموعي
والسبب من ظالمٍ ما أبغى عليه النصره
من ملكني.. لين نسّاني هلي وربوعي
ومن حذفت أحلام عمري دونه ودون إصره
ومن قطف وردة حشاي وشرب من نبوعي
نصف صدري روضته والنصف الآخر قصره!
قلب جروحي.. وعطّشني.. وزوّد جوعي
وهزّني هز الورق بـ "الجملة المختصرة"
ما عطى نفسه ربع ساعة يهدي روعي
ولا حصر فيّ الشعور اللي عجزت أحصره
ماني بـ أخاف العتاب: الا العتاب النوعي
بس والله ما وراي إلا فداه وبصره
ميلاف