لا توصفني الدكتور والصيدليه
وانت تدري وش علومي وتعرف علاجي
والله ان قدلي الى اليوم.. ثالث ضحيه
اتصنع وسع صدري وضحكة حجاجي
اتظاهر بقوي فالظروف القويه
وابتسم رغم حرماني وقو احتياجي
ليت قلبي حديد وليت نفسي جريه
في مواجه مقادير الزمن الازدواجي
صار حتى القصيد اللي طروقه عذيه
اكبر اسباب ضيقة خاطري وانزعاجي
ودي أغيب وابعد فالفجوج الخليه
وانقطع مع طريق الانقطاع المفاجي
فاقد الضحك والهاجوس والمعنويه
كبر فقد العواجي في عوال العواجي
بعض الأحيان لولا الصبر والجاذبية
ويمكن اطير من نفسيتي وانحراجي
والصبر فالهوا واموره العاطفية
اصعب امن الصبر على الرفيق المزاجي
والمحب السحاوي طرقته مهمهيه
ينقطع في رجاها كل ممل وراجي
تحزنه جرة المنكوس والراعبيه
والهوا اللي يحرك كل ساجع وشاجي