يدور الفلك.. وأنا.. احسب إن الليال تدور
وأثر دروته “تحسب” على مجمل أيامي
أهيم في وطى نجد العذية بدون شعور
من الشحنة اللي بثت البرد.. فعظامي
عسى قاعها ينبت.. وعسى جوها ممطور
لو أن المطر يثر على جرحي الدامي
تخاتيخها هي جبّرة الخاطر المكسور
ولا يبعد الضيقة سوا سج الأقدامي
أمر الجبل واليْا طرا وقعنا المذكور
تعليت في رجمه ورزيت الأعلامي
لو إني مثل حال اللي من السبق مذعور
يـعـاف الوطى ويهيم في طرد الأنسامي
أشوف “الحياة” بنظرة الطيب المنعـور
لو تهَدَّ حيلي واشهب الموت قدامي
يعّرض عليه من شعر “بندر بن سرور”
واردده كود أنه يخفف لي آلامي
رغم عندي اللي “يطرب” الشعر والجمهور
شوارده “تقطع” لهفة الهايم الضامي
بنات القصايد كنها من “بنات الحور”
وأنا استغفر الله عن ماينطق به إلهامي
تمر الطواري لا اقبلت عتمة الديجور
وأنا جـفت دموعي ولا جفت أقلامي
عسى قلبي اللي قدّه الحزن ست شهور
يجبّره ربي لين ما أحقق أحلامي