ما في وجيه الليالي من زمان اختلاف
اقفى ربيع السنين ونوم عيني غفو
وانا لو اني قطعت عن القلوب النظاف
ما كل من غبت عن عينه غيابي جفو
من كثر الاشكال ذاكرتي تعذر مضاف
اللي يصفي كدر واللي يكدر صفو
ولكل الاعمار فالدنيا نهاية مطاف
وعلى قدر ما يخونون الاوادم وفو
واعز ما سارت الخطوه مسار الطواف
واعلى منازل سمات القادرين العفو
واجمل صفه في بنات ادم وحوا العفاف
واقل قيمه من كنوز البحور الطفو
واكرم يد اللي عطاها فالسنين العجاف
واحقر يدينٍ يدينٍ طعنها من قفو
ما يخضر العود في قاعٍ وطاه الجفاف
والمدح مايسمو الا في جناب الكفو
علي بن سالم