شميت ريحة وداع بـ آخر أبياتك
مشكور وضّحت لي وش كثر تهواني
كنّي تعاستك ما كنّي مسرّاتك
يوم انك بدون ذنب تروح تنساني!
بنتٍ تمنّت تكون اصدق حكاياتك
ما شدّها غير زولك واحدٍ ثاني
قرت تفاصيل روحك من معاناتك
وراك بعّدتها عن قلبك الحاني؟
يمكن لإنك كذا فـ الحب عاداتك
من منطلق فـ الهوى جاني مـ كفّاني
لو أنت وضّحت قصدك في بداياتك
بـ أهدّها نخوه! إلا موقف إنساني!
صوّرتني فـ الهوى نجمة مداراتك
لكنّك أطفيتني واشعلت نيراني
تدري أنا من أكون بـ كل حالاتك؟
"مجني عليها" وتنفي تهمة "الجاني"
أهديتني قبل ترحل فيك خطواتك
جرحٍ يشارك غلاك اللي بـ وجداني

عيوف