جعل ما يبكيك من تشفق عيونه عليك
لا تخلّيــني.. وقلبي عرووقه فايره
ولا تقول اشلووونك؟ الله يرحم والديك
وانت تدري كيف دنياي بَعْدك صايره!
مستحيل آقول ياليت ما جاني يجيك
والزمن ميّت ضمير وطعونه غايره
وانت ربي بالترف والنعووومه مبتليك
التعب.. ما هو بـ لايق عليك تسايره
مستريح.. وراحة البال مسكة راحتيك
ومستجيرٍ وقتك من الظروف الجايره
ولّا انا عايش على ذمّة "الموت الوشيك"
ويعلم الله.. ذمّة الصبْر عندي بايره
بين منْك اواجه الموت ولّا آموت فيك
اختيارٍ يستوي.. ربحه وخسايره
كل ما سافر حنيني "ذهاب اياب" اليك
يتّخذ من عوج الاضلاع "سلّم طايره"
منتظر ملهوف مشتاق ولهان احتريك
كلبوووها.. خايفه من جفاك.. وحايره!
شوف عاد.. الكلمه اللي تقرّب لي يديك
وضع تَحَتْها خط.. وارسم عليها دايره
فالح المصعوك