في بعض الأحيان يأتي للغياب احتمال
وفيه أدري أني معك والبعد منك محال
مثل احتمال التواصل في عيون الملول
مهما تجيب الظروف وما يقول العذول
وأحاول أغيب وأبطي وأقطع الاتصال
شليت فالوقت ماشلت ظهور الجمال
واجعل غيابي عن اللي ينتظرني يطول
وعانيت ما عانت الوقفه ونقل الحمول
بس انت يا سيد ربات الحسن والدلال
يعني بحبك وبشتاقك على كل حال
وجه البطا من غياباتك ووصلك خجول
وان ما اعجبك كل حال احطها كل حول
أواااه لا نسنس الغربي وطال الضلال
ان كان حبك هبال اترك علي الهبال
وتقارب الليل وطيوفك تصول وتجول
اصلا أنا في تفاصيلك وفيك مهبول
وجعلت في موقفٍ لو مر صم الجبال
ما يكفي اني لاشفتك/ مكتسيك الجمال
اهتزت أطرافها حزن وحنين وذهول
قمت اتذكر بيوتي الأوله يوم أقول
فيه ادري ان ما صعب من الحزن بين الرجال
الخمر ماهوب خمر اهل اللهو والضلال
الا وقوف الضعيف اللي ما عنده حلوول
الخمر فـ عيونك اللي في هدبها خمول
وفيه أدري ان السنين الفانيه للزوال
لاسلهمت وارخت الرمشين غي ودلال
أسرع من العلم/ وادور من عيون الفضول
هي والله المسكرات و"مذهبات العقول"
مبارك بن رادعه