يا بحر جيتك من همومي هارب
اشكي لك أوجاعي وزدت أوجاعي
انشر همومي مع شراع القارب
اغسل همومي لا تغسل شراعي
لو موجك المتباعد المتقارب
يمر فيه أوضاع مثل أوضاعي
ما شل ربع اللي يشل الغارب
ولا طال مده مثل طول ذراعي
أنا اتحمل راس رمح محارب
يطيّر من ظهري بين اضلاعي
ولا اقتفي مستعرب ولا عارب
واسب غيري جملة وقطاعي
من جوهره مع مظهره متضارب
تدق كبده دقتي باصباعي
ولا صارت من اللحية إلى الشارب
يصير نصف الحكي ماله داعي
لعل درهام الذلول الدارب
بعد البحر كله وبعد شراعي