وجد حالي ليت لي كل ما ضاقت جناح
ودي أبعد وجه الأحلام عن وجه الثرى
أتظاهر بالفرح والهنا والانشراح
مل عينٍ ما تهنت وجرحٍ ما برا
الله إنه يصلح اللي نشد ماله صلاح
لين سراني على جرّة الهم وسرا
ودي أسامح زماني وأبي منه السماح
يتجاهل من تجاهل ويدري من درى
يا سقى الله دار عبله والأيام الملاح
يا ترى وين أبعدتنا الليالي يا ترى
عودت حدب الهنادي على علط الرماح
والذمم في السوق قامت تباع وتشترا
الجبل ما طاح شامخ لو يقولون طاح
مشكلتنا في عيون العما اللي ما يرى
ابتسم في وجيه الايام واللي راح راح
والله الله لا تردد ولا ترجع ورا
هذا أنا رغم الظروف العنيدة والجراح
مستريح وماسكٍ نفسي وماسك سرا