أقيس له برودة الماء في يدي
أخاف يشرب بارد ويثر عليه
يالله لا تتكلني لـضعفي وجهدي
ولا تختبرني فيه وأنا أموت فيه
والله لو أجيه أحبي .. والا أعدي
ما ألحق جزاه الله يرحم والديه.
عيونه الثنتين : عمري ، وبلدي
وصوته لو أني لا ابتديته ما انتهيه !
اخوي اخوي اخوي يفداه الردي
والا فداه الطيبين .. بدون ليه !
أبشر بـ عرّي معه / وأبشر بسعدي
لا باروا الأخوان سودان الوجيه
ياجعل عمره مثل ذكره سرمدي
اللي عن الطالات ماتقصر إيديه
إن كان ما سميت عليه ولدي
ماني بقد الاسم والعرض النزيه