صورتك في خيالي ثابته من سنين
بس غيبتك عني هزّت جدارها
كانت مبروزه باللهفه وباليقين
لين ما الفقد صار يهشّم إطارها
أنت علقتني معها وعذري سمين
بس وحشة غيابك وشهي أعذارها
كل يوم أرقب رجوعك وأعوّد حزين
أي ذكرى تمر أمشي على آثارها
لين ما أوقف على جرف الأسى والأنين
كل شرفة أمل مسدولٍ ستارها
ياكثر ما إنتظرت بسكة العابرين
أحطب الذكريات وتشتعل نارها
في ضلوعي وأنا اللي للطواري رهين
كيف تختارني لو مابي اختارها
آه من طيفك اللي كل ليله يبين
ما اذكر إنه غفت عيني ولا زارها
بين سجن الظروف و بين سجن الحنين
ليت سود الليالي تكشف خمارها