يا صبري وش تواجه وانت سيفك مايل ومثلوم
الك العذر السمين اللي يسد أفواه نقادي
أغنّي وين وأرصفة الشوارع جوها مسموم
ولا به فيّةٍ يغري شجرها طاري الشادي
عطش والبيد ماكلها المحل لا شيح لا قيصوم
خلا والريح كنه ينتخي بالغيم وينادي
ولكن انت وش عذرك تغيب وخاطري مكلوم
وأنا حبك زرعته داخل الجينات لأحفادي
عليك من الزعل ما لا يطيقه صمتي المذموم
فلا تخدع سؤالك بسمتي لو قلت لك عادي
إذا لهّوك عني لا تجي واقع ولا بحلوم
ما أبي صدفة تجيبك وانت ما قدرت ميعادي