هيه .. يا راع الوصوف الناهيات الندّر
ما لقيت .. لندرة أوصافك صفه .. توصفها
فيك .. صبحٍ ساطعٍ نوره وليل .. مغدّر
آيتين .. تحيّر عيوني .. و تستوقفها
لا توخّر .. ليلك الساري وصبحك .. بدّر
شمسك .. ظلال القمر لو مال .. ما يكسفها
وإن .. قفاك الليل والصبح استدار .. مصدّر
كل .. روضه منك ديجور الدجا .. ملحفها
منظرك .. ذا شيّ ٍ مسنّد وشيّ .. محدّر
يخطف .. الأنظار وعقول البشر .. يخلفها
شوفته .. فيها العلاج لحالة .. المتكدّر
وغيبته .. تسترجع الحاله .. وتستأنفها
كل .. شيّ ٍ منك ياخذ خانة .. المتصدّر
الله .. اللي حط فيك وصوفك .. وصنّفها
وألّا .. أنا لو قمت ألبّسها الجواهر .. والدّر
الوصوف .. المستحيله مستحيل .. أنصفها
ودّي .. إنّي ما عرفتك مير شيّ .. مقدّر
الجروح .. اللي تجي من معرفتك .. أعرفها
آتغذّى .. منك وآخذ عنك بنج .. مخدّر
ويا كثر .. ما تسعف الصحه .. ولا تسعفها