من الأخير مع آخر الثلث الأخير
وأنا من العزيمة اليا البنادول
في وسط قلبي للهواجيس تكبير
وفي وسط عيني للسهر قرع وطبول
أنا ضحية حظ شين ومقادير
وعيون سود وربع ضحكة ومعسول
لا تعتذر لي > اعتذر ل المعاذيز
اللي ولا واحد هاك اليوم مقبول
يفدونك اللي في مراكش وأقادير
ومن يتثنى في مثاني إسطنبول
ياللي بعد ما قلت أشوفك على خير
عاينت فيك ورحت مدري وش أقول
والضيقة اللي ماهي بضيقة عصير
تطاول الضلع القصير على طول
ومن ضيقتي على كثر ما أغبط الطير
اللي مع الجنحان محفول مكفول
في ذمتي لو أقدر أطير ما اطير
أطير وأخليك فالأرض ؟ مهبول ؟
ماهمني ما صار واللي يبا يصير
والواقع المعقول والغير معقول
ما دام خاويتك على الشر والخير
فأنا عن الشر وعن الخير مسؤول