يا مترفة طالت الغيبه .. ودار الزمان
ودي تعرفين شي .. ماحد يعرفه
انا ما احس بطمأنينه .. ولا أشعر بأمان
من يوم غبتي .. عن الانظار يا مترفة
غبتي .. واخذتي معك قلبي .. وفات الاوان
ولا قدرت اردعه .. ولا قدرت اصرفه
حبيتك بكل ما فيك .. وعطيتك ضمان
ما لي علاقه مع غيرك .. ولا معرفة
ومن لهفة الشوق .. شوفي كيف .. حتى المكان
اللي تركتي بقايا حبنا في طرفه
يفوح ريح الخزامى فيه .. والقحويان
يفوح .. من طهره ومن عفته .. وشرفه
تكفين لا هزك الشوق .. ودفعك الحنان
مریه مرّه قبل .. سيل الجفا يجرفه
وتذكريني وقولي .. يالله المستعان
وخلي عيونك تفيض .. ودمعها تذرفه
والا انسي الحب وانسي كل حاجه عشان
انساك واذا نسيتك .. ما انتي با مترفة