البارحه وجه .. السماء برق ومزون
واسراب .. جيات السعد .. ماخذتني
يمرّني طيف الغلا ضحك وفنون
وتنبت .. سنابل .. فرحةٍ ساكنتني
كنت البعيد وجابك الله علي الهون
مثل السحابه .. جيتك وامطرتني
الشوق "قيس" وخاطري فيك .. مجنون
ومعلقات .. "الوجد" بك علقتني
تصدق؟ أن مواصلك .. "خيبة ظنون"
للعالم .. اللي فالقفا .. حاربتني
اللي علي باب .. الظلايم يمرون
ما طاولوا .. راسي ولا "كّل متني"
كبير . في عيني ومهما . يقولون
تبقى .. كبير ونظرتك .. ملهمتني
تعال . سولف .. وابتدع كل مكنون
الليلة .. اشواق الغلا . مالكتني
اقبل .. بصدري لك ولا .. وانت مأمون
مشاعري .. فإخلافتك .. "بايعتني"
وأزرع "بساتينك" علي كل قانون
واقطف .. بلطفك .. "ضيقةٍ مهلكتني"
تعبت أضمنك .. الغلا وانت مضمون
وعليك .. دورات الزمن .. مشغلتني
قبلك! حياتي يا حياتي .. "بلا لون"
حتي مقادير الزمن خاذلتني
وبعدك! حياتي "ضحك وافراح وشجون"
ما مرّت الضحكة .. علّى وهجرتني