2019-09-08 | 22:58

المعاتب

مشاركة الخبر      

خل المعاتب لا تعاتبني وانا متحطمه
الظلم ما يرضاه احد .. والطعن بالميت حرام
ضاعت مواثيق الغلا بعد الجروح المؤلمه
تحطم الحب الحقيقي من سواليف الغرام
وانهيت قصه من كتاب الحب والدمع اختمه
واراجع الدرس الشقي .. واعانق اسلوب الهيام
وادرجت في سوق الغلا سهمي وضيّعت اسهمه
سقت المشاعر من رصيدي وانتهى حلو الكلام
الله يبيح الحب يوم الوقت خانه واعدمه
والله يسامح من نثر دمعي وخلاني حطام
يا همي الي بالحشا مبطي ومليت اكتمه
اسهر معه في ليلي وعين المحبه ما تنام
لي حلم طول الوقت مللني وعييت افهمه
دارت دواليب الزمن واقفى وخلابي وشام
اشكي على نفسي وفي نفسي بليله مظلمه
واجاوبه بالدمع والمعنى مفاتيح الخصام
يا صاحبي لابد قلبك في حياتك تلزمه
اما يبيّن بالغلا ولاّ على الدنيا السلام
هذا قراري واتخذته وانت شوفه واحسمه
ليتك تجي حسب النظام ولا تجي عكس النظام
لا تشتكي لي يوم صدري فاض وانتك انسمه
وانا مع جروح الزمن خذلت معنى الانهزام
الي تركني بتركه .. والي حشمني بحشمه
والي يعاملني بطيب القلب يبشر باحترام
لكن من يقسى لزوم اني اجي واعلمه
واكتب من جروحي قصايد وانثر المعنى وسام
والقلب لو ما ينجرح ما ينزف الشعر اقلمه
والشعر لو ما نبدعه ما يرتقي لأعلى مقام
نوض