دنياك جينا لها والكل عابر سبيل
خلّك صبور وثقيل اليا ثقل دمّها
لا تحسب إنّك لـ زينتها لحالك عميل
الناس واجد وكلٍ ينتظر تمّها
إن كان ليلك سرا وإن كان نومك ثقيل
زعلك ما همّها ورضاك ما همّها
اليا أضحكتك الليال اللي قمرها طويل
حاول تنام الليال اللي مثل غمّها
ما دام وانا ابنَ عمك تاليتها رحيل
وش فايدة مدحها ويش آخرة ذمّها
باقي حياة المعزّه كمّله لا تميل
والسر في كيفها ماهوب في كمّها
روس الرياجيل كسر أنفوسها مستحيل
لو المصاريف تتعبهم قبل لمّها
يجاهدون الحياة وضغطها والجميل
العزم من يمهم والحزم من يمّها
ووجيهم تستحي والقل ما هو نبيل
نمام ويسابق النمّه ليا نمّها
لا شك الأفعال ماهي في كثير وقليل
في وقفةً صاملة حنا بني عمّها