تنفع دروس المدارس ساعة الشدة
لا حاضر أبها كبير الشان والقدري
أما كبيرٍ لحق مالحق ويعده
سوالفه لاهرج يشرح بها صدري
ولا صغيرٍ يرد العلم عن جده
ينقى علومه نقو ماجابها كدري
لعلها للعمار أعمار ممتدة
مجالسٍ علمها يفلج ضيا البدري
لاجيت فيها استمد العلم واعتده
وأفتك من نشدةٍ مردودها مدري
أخير من مجلسٍ مع بارد الخدة
اللي يلوك الحكا بالكذب ويهذري
اللي يلمع كثير المال ويعده
ويروبع البيت لو بيت الخنا خدري
هذاك لاجابتك خطوتك منحدة
وساقتك صدفتك أله فالمجلس الحدري
أليا هرج وره الإعراض والصدة
وأطلب من الله يبعد وجهه الودري
وإن قال ذا كبر قل كلٍ على قده
هذاه طبعٍ طبع فالنفس من بدري
لا جيتلي مجلسٍ جزره ورى مده
ما أرضى بهرجٍ ينقص شي من قدري
لن التواضع لامنه زاد عن حده
يضعفك في عين غيرك وأنت ماتدري