الشوف
الدكتورة ميثاء الهاملي
2020.01.12 | 10:45 pm
لبيه مليارٍ ومرضوف
مختوم ما يقبل كسوره
محروز عن نقصٍ ومحفوف
بالشوق مع نادر زهوره
جدوى عجيد القمة أصفوف
اللي على صدري نشوره
أباهي بحبه على النوف
وأنصاه ما أحاتي خطورة
فدواه من عيني غلا الشوف
ومن عمري سنينه وشهوره
علم الخطا ألفٍ على أوف
لو ما حوَت سفني بحوره
عهدٍ عليّه هوب مكلوف
أني رهن عينه وشوره
رفجة غلا وتتسنّد أحلوف
تبطي وسط يوفي قصوره
