غارات الأيام مدري وين ودنّك
يا الصاحب اللي غيابك زاد عن حده
أبطيت عني وأنا ظني على ظنك
خابرك ما تختلف لو طالت المدة
أما نويت الجفا ولا كبر سنك
ولا عطاك الدهر هجمات مرتدة
وكانك تقول الليالي ما يطيعنّك
أقول لا تنهزع في ساعة الشدة
ترا المقادير لا يمكن يصيبنّك
ألا بأمر من يغيث العبد ويمدّه
أدله ولو شفت الأيام يتحدنّك
واتكل على اللي تجيه الخلق منحدة
لا تنشغل بـ الظروف اللي يمرنّك
وتقابل أهل الوفا بالهجر والصدة
لك عبرةٍ فالسنين اللي تعدنّك
كم واحدٍ كد فيها ما خلف كدّه