2020-01-19 | 22:36

القلوب

علي الأكلبي
علي الأكلبي
مشاركة الخبر      

المفارق حان وقته وفي العصر مال
وأنا عين للموادع ،، وعين للغروب
من شمال أربد ومن سهل حوران وشمال
ودعيني يا دروبي .. ووديني جنوب
الي ثمان سنين بين الحقيقة والخيال
الدروب اللي تعديتها كانت دروب
دونها طاحت هقاوي مداغيش العيال
كل يوم تشعم النار ،، وتهب الهبوب
تلتفت لي هقوه من عمام ومن خوال
ورايه في راس عيطا ومجد ما يذوب
ولا أنا مالي ومال الطواريق الطوال
العرب في صوب والشعر والشاعر بصوب
غايتي لا قام بالوصل قطاع الوصال
وراحتي لا طاب جرحي وكفنت الذنوب
یا مواعدني تحت مظلمة سود الليال
لا تقول القلب بيتوب عيا لا يتوب
ولا تقول الحب ما يلوي عزوم الرجال
الله اللي عالم وش تضخ به القلوب