ما همني واجد ولو غاب من غاب
كم ناس ما ودك تعدی ديرها
مقدرين الصحبة كرام الأشناب
عندي وعند أمة محمد خبرها
يا عل عيني لا فقدت شوف الأصحاب
تبطي وحامد زيد يملي نظرها
اللي مقره طيب ودروبه أطياب
وشلون حزة شوفته ما انتظرها

قدرك يا بو محمد هنا بين الأهداب
وأقرب من عيون البصير لبصرها
كله ولا شرهة عريبين الأنساب
ومثلي يموت وخوتك ما نكرها
أغلى العتاب اللي من أحباب لأحباب
تلقى به لربعك عذر.. وتعذرها
لو ما خلق ربي مشاريه وعتاب
يا كثر ناس نحبها بنخسرها
حامد زيد