من المستحيل.. المبدع يخاوي التيار
ولو ما يرافق معه أحد.. رافق ظلاله
شاعر استطاع حصد النجومية في وجهي الشعر المحاورة والنظم وكسب الإعجاب من خلال نصوصه المختلفة في أفكارها وصياغتها بطريقة لا يجيدها سواه.. علي بن نايف الغامدي خصَّ «الرياضية» بهذا النص:

دفعت لي كم غرامه في طريق الغرام
وأنا أدري أن ماورى طرد الهوى مصلحه
ياعاذلي سلوه الخاطر عليها السلام
والصبر ويني ووين الصبر لو تمدحه
اعذل مثل ماتبي وانصح جميع الأنام
ألا مولع هوى الخفرات لا تنصحه
أنا جريح النواعس مرسلات السهام
وأنا طريح الحروب اللي بدون أسلحة
سامرت ليل الشتا ضايق وعندي كلام
والليل سلمني الصبح ونفض مشلحه
تلوح الأشواق لامن لاح برق الغمام
للجادل اللي تداو الخاطر وتجرحه
تسدل على الطلة اللي مثل بدر التمام
سبيب شقراً نسانيس الهوا تلفحه
وجه الحزن ملمحه خلا ضلوعي حطام
ياوين وجه السعادة ناسيٍ ملمحه
القلب طيرً كفخ بين الحنايا وحام
الحين توي دريت أن للقلوب أجنحة
أومت به الذكريات مطيرات المنام
اوماية الشاعر الطفران بالمسبحه