يا حبيبي منك كان الله بعوني
ليه خليت.. الغلا حاجة اليمه
كنت ذاك اللي ما قد خيب ظنوني
وصرت سبه لـ الدموع المستقيمة
كيف عشت بدونك وعايش بدوني
عقب كناا (الراحتين) المستديمة
لـيتهم في سيرتك.. ما ذكروني
ولا بقيت أعيش فالحب وجحيمه
الحزن مثر على شكلي ولوني
والجفى بعد الغلا أكبر جريمة
يوم أطالع صورتي في تيلفوني
أدري أن من داخلي ماني سليمه
شاحبٍ لوني.. وذبلانه عيوني
والله ان ماني حبيبتك القديمة
من بعدك أشتاق والناس خذلوني
وإن كتبت الشعر مال الشعر قيمه
كل ما اسوي قصيدة كذبوني!!
وأنا أصدق شاعرة وأصدق يتيمه

أميرة الحمدان