أخاوي الصبر وان الله مع الصابرين
لين أصبح الصبر أخو والصابرين خوياي
عندما تمتزج الفكرة مع المهارة في النظم، تسيل المعاني وتسطر أبلغ الصور وأرق الكلمات.. في قصيدته “أخاوي الصبر”.. أبحر نجم بن جزاع الأسلمي مع دهاليز الأيام وخبايا الليالي، يترجم بمفرداته الرصينة وترانيمه الهادئة، أبياتًا أخاذة، فيها صدق وبساطة التعبير وجزالة اللفظ.. نجم خصَّ “الرياضية” بهذه القصيدة:
كنت أول اطرد هوى بالي وحرزه مكين
بي عنفوان الشباب اللي يطوّل مداي
اطالع الدرب وإن شفــت أولــه ياسمين
أسوقها ما نشدت اللي مع الدرب جاي
والقى بنصفه سراب وباخر الدرب طين
وارجع وأعيد الخطا من كبرياي وعياي
لين أدبتـنا الليالي، وعسفتنـا السـنين
بديت أسيطر على نفسي وأخالف هواي
وإن جيت وارد نشدت اللي هنا صادرين
جمعت لي كم راي.. وفوقهن جبت راي
واجنب اللي تبي نفسي ولو هو ثمين
يامـا مـن المغـريات اللي تركته وراي
أخاوي الصبر وان الله مع الصابرين
لين أصبح الصبر أخو والصابرين خوياي