|

بذاكرة الأغنية

11:31 | 2021.04.04
ضعفي محبة لا تقول اني ضعيف
عز الله أنه كان لي قلب قوي
تقول لك قلبِ من الرقة شفيف
وأقول ليته عن عذابي يرعوى
لي عام روحي لا تهيد ولا تقيف
ما غير تلعب فالضلوع وتنزوي
جرحتني جرح على جرح كليف
وخليتني مثل الغريب إبلا خوي
تبيني أجلس لا يجي هرجك عنيف
تبيني أغادر غديتلك جلوي
لا قلت أحبك خلني قصدي شريف
أنا بدوي ولد بدوي ولد بدوي
تخاف مني ليه أحس إني وليف
أنا ما أخاف ألا إن عودك ينذوي
عطني الفصول ولا يجي فصل الخريف
ما دام عشبك فالمعاليق إثروي
ومن الثريا للثرى مالك وصيف
ولا تنتوصف بالكلام المعنوي
وانا أعرف قلبك وأعرف إنه نظيف
وتلعب مع قلبي وقلبي منكوي
ثقيل أنا وأودعتني مثل الخفيف
وشلون هاذي في حبيبك تستوي
أضحك على نفسي من الأمر الظريف
وأبكي على حالي من الأمر السوي

غناء رابح صقر