عساك على القوة وسو اللي تبي
صبري معك وصلتني لين آخره
باين علي الغيض لو اتحس بي
حتى طيوري عن سماك مهاجره
شف آخرة فعلك وصعبه نستبي
وقلوبنا بعد الغلا متنافره
حبيبك الأول وعافك خاطره
أثر النجوم الى تعلت تنكبي
ومهما ضوت لازم تطيح مباشره
وأنا وصلت بحبك اللي كنت آبي
وغادرت في وقتٍ لزوم أغادره
أول وحبي لك وحبك مكسبي
والحين أكبر همي أني خاسره
وارضاك كان ارضاك عندي مطلبي
وقلبي عطاك إحساسه ومشاعره
واليوم عن شاطيك سافر مركبي
أنت السبب وإلا حظوظي العاثره

تركي آل الشيخ
غناء ماجد المهندس