في عارضي لاحظت بادي شيبتين
وأكيد ماهن جالسات بلا خوات
استعجلن قدام سن الأربعين
موقرات وزاجرات الأولات
والشيب سنة من عصور الأولين
لازم يصير إن كان ما صار الممات
الصادرين يودعون الواردين
والواردات أكيد بكرهـ صادرات
يا رب توزعني طريق الشاكرين
المؤمنين اللي على دين وثبات
ماعاد تجذبني مزوح الساهرين
ولا تعاليل الليال الخاليات
ولاعاد تبهج مهجة الصدر الحزين
لذايذ الدنيا .. وكثر المغريات