وش لون ما أمطرك حب وشعر وش لون؟!
الحب لك والقصايد فيك ترها
نايف معلا الشاعر النجم.. والدبلوماسي المميز، يمنح الشعر بعضًا منه في هذا النص الذي خص به “الرياضية”..

لولا عيونك، ما كان لشعري عيون
ولا تعنّت عيوني في سهرها
إن قلت كلي عتب وإن قلت ممنون؟
مشاعري في عيونك ما أحصرها!
هي محور الزين وأنتي محور الكون
أنا كذا معتبرك ومعتبرها
وش لون ما أمطرك حب وشعر وش لون؟!
الحب لك والقصايد فيك ترها
وش أوصف وكل شيءٍ فيك مزيون!
وما فيه ليلة عمر منتي قمرها
كم قلب في حسنك الفتّان مفتون؟
وكم عين من لمحة أصبحتي نظرها
ما أقول يبطون عنك أقول يفنون!
أرقامك الفارقة محدٍ كسرها