نايمة كل ضحكات الصباح
وابتسامتك ما هي نايمة
في عيوني لها رفة جناح
بين قلبي وعيني حايمة
مرت القلب وخطفته وراح
راح معها ولاني لايمه
كلها ملح يا سيد الملاح
جعل هالابتسامة دايمة
كنها البرق يوم أسفر ولاح
في ثنايا المزون الغايمة
وأنت لك غيمة ماها قراح
بين شمسك وبدرك عايمة
كل ما قالوا إن الخير طاح
سقت ركب المشاعر هايمة
جيت أدور من الضيق انشراح
غارق بالحنين أزايمه
ربع القلب بأرضك واستراح
يوم عيد الجروح الصايمة