ما دمت في حبك حبيسٍ ومأسور
احكم على ما تشتهي لا تشرّه
مهما تسوي يا أكحل الطرف مشكور
والله ما اشكي من سهمك المضرّة
اجرح.. وعذّبني وأنا فيك مسرور
رضيت ما جاء منْك خيره وشرّه
أهديتك الروح العزيزة بلا شور
لو زدتها تعذيب مرّة ومرّة
أنت القريب اللي بك القلب مجبور
لو إنك أبعد من نجوم المجرّة
يضمى ويبقى جيش الأفكار مقهور
غدير غيرك حالفٍ ما يمرّه
تضيع جنبك كل طرقا من الحور
كأنها وردٍ ذبل وأنت درّه