عاتي الريح وغصون المحبة دقاقة
ليت ما للهوى في خضر الأغصان حيلة
قالوا الصبر وأثر الصبر مرٍ مذاقه
علقمٍ من خذا من جرعته عزتي له
بيت الأحلام نود البعد هزت رواقه
وارتخى حبله الممسوس وأزعج دخيله
من قلوب الأعادي يا وجيه الرفاقة
وش تركتوا وكم قلبٍ خذيتوا حصيله
يا بديع الطباق السبع زدني لياقة
في طريقٍ تضاريسه بعيني مهيلة
من توكل عليك وحث للمشي ساقه
ما تونّا ولا دوّر دروبٍ بديله
يطبخ الهم في جوفي وكبدي رقاقة
والعرب يحسبون الممكنة مستحيلة
ما بعد برزة الوجه الطليق ادّراقة
لا ثقل حملكم خلوه وأنا أرتكي له
من تعسر لقاه ومن تيّسر فراقه
لا ينادي مدام كفوف وصله بخيلة