نص خاص
الطواري
حاكني.. لبى.. معاليق الفؤاد ولبى
كل.. شيء ودك أضيفه قله واضيفه
صالح النشيرا.. أحد نجوم برنامج “راية الشعر ”.. يكتب إحساسًا يلامس الوجدان كما في هذا النص الذي خصَّ به “الرياضية”.
الطواري كل مطلع صبح تسرج قبّا
والغلاء مثل الشجاع اللي ما يثلم سيفه
وأنت يا اللي من خلقك الله عسر ومخبّا
البرود اللي بدون أسباب.. وش تعريفه؟
كان قلبك من ضغوطات الحياة معبّا
وش يقول مكافح الدنيا شتاه وصيفه؟
الشعور.. إليّا كبر سنه ماعاد يصبّا
لا تطوفه نشوة الحب القوي واعيفه
حاكني.. لبى.. معاليق الفؤاد ولبى
كل.. شيء ودك أضيفه قله واضيفه
فيك.. زين واضح.. جدّا وزين مغبّا
يا الأليف اللي تضاريسك ما هيب أليفه
بس يوم تقول ما عندي عسل ومربّى؟
شفتها تلميح وأنت تشوفها تصريفه
شاعرك ضيفٍ لا مر اسمه ما هوب يهبّا
والعرب ما ترحم اللي ما يوجّب ضيفه
لا تقول الليل حدّه.. والديار جنّبا
قلت لك يا ما سرينا والديار مخيفه
آه ليت.. الناس بأسرار القلوب تنبّى
والله.. إن أولع الدنيا بقطعة ليفه
