لا والله إلا ضاقت الدنيا على قلب الفضي
ضاقت عليه اللي حوَت سبع البراري والبحور
ما ضاقت من العوز لو العوز يا الوجه المضي
ينتل عناني للوزا وأجذب عبوسه للسرور
إلا منك يا الغرو يا لمعة بروقي يا الغضي
يا خامة العز الرهيف اللي ما يسكن بالقصور
والشيبة اللي طقّت بوجه الزمان المنقضي
قامت عليها ليلة البارح هواجيسي تدور
كيف اشتعل عارضك وأنت الصابر الغض الرضي
وأطرقت لصدوف الزمن رأسٍ على الكايد جسور
لو قلت لهمومك كفى ولا زدي ولا أفرضي
مسفوه رأيك عندها وإن طعت شوري لا تشور
يا ناقتي لا تشتكين من المحاميل أنهضي
زودٍ على ما تحملين اليوم أنا قلبي يفور
في جادلٍ تحت المعاليق أبرمت أمرٍ مضي
وأثر الوكاد الرجل ما همّه لو الدنيا تدور
كيف اندفعتي واقتنع قلبي وعقبه ترفضي
هذي كبار اللايذات اللي تعاظمها الأمور
يا منية ابن العم وابن الخال يا بدرٍ وضي
ما غيّرتني عنك غصّات الزمان الخيتعور
وأنتِ من أعماق الحشى يا كلمة الحب انهضي
من قبل لا يخطم فمك سمجٍ غزل فتل الغرور