ودي أتطمن عليه بغيبتي وشلون حاله
علّ حاله في تمام وعلّ ما يلويه لاوي
جيت له من باب أحبه محتزم بالحب وآله
كنت أخاف من المفارق قبل لا يدعي دعاوي
كنت أقول الليل موحش وكان يطعني سؤاله
يوم قال الحب وشو؟ قلت له شوق ورجاوي
وكنت أقول إن الأماني ما تموت إلا بحاله
لا تردى من تحبه ما حضر عند المناوي
الشجر وضلاله اللي بعد موته من يناله
شامخٍ يجمع فلول الشاردات من الهقاوي
هقوة العصفور عشه كيف لباها وشاله
وهقوة الجارح وقوفه قمة الجذع الرهاوي
وهقوة الغيمة مطرها يوم تذرفها بداله
وهقوة الريح بلحنها يوم شكّلها غناوي
يا شجر يا طيب فالك رغم ما بك كنت داله
شلت مالا شاله ابن آدم مواقيف وعزاوي
يا شجر حتى بموتك كنك توجه رساله
استظلوا واحطبوني واحرقوني عود جاوي