على صدري طرت غربة حنين وللغريب بلاد
تساوت كل خطواتي علامك ما تبعتيها؟
تعالي؛ كل ماطال الغياب الشوق لك يزداد
وتتعذّر من كفوفي كفوف ولا عذرتيها
غريبه! كيف جيتيني سلام ورحتي استبداد
محيتيني ودمعاتي ولا مرّه محتيها
سراب الدرب موحش والليالي كنّها تنعاد
تمرين المدينه كنّك اللي ما سكنتيها
واسافرلك واخبّيلك عمر يا ضحكة الميلاد
واداعب مجمل ورود الحنين اللي قطفتيها
احبك كل ما سالت ملامه في طرف ميعاد
وش الديره قبل خطواتك اللي ما خطيتيها
وش الاكواب لو البُن ما يرسم دروب جْداد
وكل دروب معشوقك تحضّنْك وشربتيها
احب بكل ما املك من الأضداد للأضداد
مثل ماعاش من شافك ونظراته دفنتيها
تباهي بالشعر لو الشعر ماهو بورث اجداد
لطافة ضحكتك اصلاً قصيده ما كتبتيها