ضعفي محبة لا تقول إني ضعيف
عز الله إنه كان لي قلب قوي
تقول لك قلبِ من الرقة شفيف
وأقول ليته عن عذابي يرعوي
لي عام روحي لا تهيد ولا تقيف
ما غير تلعب فالضلوع وتنزوي
جرحتني جرح على جرح كليف
وخليتني مثل الغريب بلا خوي
تبيني أجلس لا يجي هرجك عنيف
تبيني أغادر غديتلك جلوي
لا قلت أحبك خلني قصدي شريف
أنا بدوي ولد بدوي ولد بدوي
تخاف مني ليه أحس إني وليف
أنا ما أخاف ألا إن عودك ينذوي
عطني الفصول ولا يجي فصل الخريف
ما دام عشبك فالمعاليق ثروي
ومن الثريا للثرى مالك وصيف
ولا تنتوصف بالكلام المعنوي
وأنا أعرف قلبك وأعرف إنه نظيف
وتلعب مع قلبي وقلبي منكوي
ثقيل أنا وأودعتني مثل الخفيف
وشلون هاذي في حبيبك تستوي
أضحك على نفسي من الأمر الظريف
وأبكي على حالي من الأمر السوي