لو إن الأحلام مثل اللي تجيني تجيك
إن كان عشت الحياة اللي تشوف بسلام
ماني مغامر بك إلا إني مغامر عليك
أنا نظامي ما أعيش الحب على نظام
خصوصًا إني ما أحب يكون لي بك شريك
وعمومًا أنتِ مهمة وأنا صاحب مهام
اللي يحب يصبح بدنياه مثل الدريك
وبالرغم من سجنها ما في بها عفو عام
حتى القصايد تحب تكون منك وإليك
إن طاب مني المقال يدل طيب المقام
وما دام ما في يديني شيء حتى يديك
ممنون للي ما يكشفنا لعيون الأنام
كل ما احتوتني يدين الوقت فيها أحتويك
في أرضٍ محايدة مسموحةٍ للعوام
ناخذ من ملاوع الدنيا وأهلها بريك
ونروح في عالمٍ أكثر هدوء وانسجام
النوم أفضل وسيلة اجتمع فيه فيك
وبالذات الأحلام فيها يصير عز الكلام
لو قلت لي أمنية وحدة جميلة لديك؟
الأولة شوفتك.. والثانية بالمنام