ياللي على لحظة التفكير مرّيتي

‏ورتبتي أوضاع تفكيري وسافرْتي
رحتي ورا رغبة أيامك ورديتي
ووقفتي هناك إيه هناك وأشرْتي
مديت لك لهفة شعوري ومديتي
وأعطيتي الشوق قيمة ما تكبرْتي
‏من كثر ما تلهمين الشعر خطيتي
‏وجيتي على صفحة التفكير وانهرْتي
ضحّكتي الشعر يوم ويوم بكيتي
‏وأثرتي بكل شي ولا تأثرْتي
على غصون الكلام العذب رفِّيتي
وأورقتي الـ عمري الباقي وعبرْتي
أنتي على الزين في زينك تماديتي
طغيتي على الزين وتصدرْتي
فكّيتي يديك للدنيا وضميتي
ونسيتي أشياء واجد ما تذكرْتي
وعن غلطة الوقت والعالم تساميتي
وإذا خطيتي على العالم تعذرْتي
أنا تنثّرت شوق ويوم لدّيتي
قدام عيني من اللهفة تنثّرتي
أوفيتي بعهدك الراسخ وكفيتي
وعشتي على هقوتي ولا تغيرْتي
أسقيتي إحساسي المجنون وأرويتي
وعلى كثر ما عطيتيني تشكرْتي
ليتك تعرفين فيني ويش سويتي
من يوم طحتي من الوقت وتكسّرتي
‏أنا أنتظرتك وراح الوقت ما جيتي
‏تأخر الوقت!! وألا أنتي تأخرتي