يا نضر عيني اللي حول دموع عيني
ما يحول غلاك ولا يخلي شداده
اتركي عني الإهمال لا تتركيني
الجفا كنه اليل المخيف وسواده
ودي أملا عيوني منك وأملا يديني
دام شوف الحياة بدون شوفك نكادة
من هويتك وأنا شعر الحزن مهتويني
كل شعري قصايد حزن وش الفيادة
صار حتى البعيد ملاحظه حس فيني
لكن أنتي ما حسيتي ولا هو بعادة
في الحياة متوقع كل حاجة تجيني
ومتعايش مع الصدمات كني عيادة
مشكلة قلبي إنه ما يقول ارحميني
ثبت إنك سعودية وشافك بلاده
المهم زبدة الموضوع بينك وبينك
صلحي للغياب ادليت والوصل إعادة
تبعت اللي يقفي شيء دينه وديني
لكن المرة الوحدة ما فيها نقادة
أنا أداريك وأنتي دارية عن سنيني
مسقيتني من دلال الصبر مر سادة
أنتي أولا من جروح السنين اجرحيني
لن جرحك يبى يتركني أبدع زيادة