كانت الدنيا سما أرض ودريشة
لا بغيت.. آويق منها وما أبالي
آتحرّا طلعت الصبح بعريشة
وآتفيا للهواجيس بخيالي
أكتب همومي وتفاصيلٍ وحيشة
من قلوبٍ عكّرت فكري وبالي
سابقوني وطيّروا طيري وعشيشه
وحرموني فرحتي وحلّي وحلالي
جعلهم ما يهتنون بهالمعيشة
ولا يذوقون المسرّات الزّلالي
فيك ياللًّي ماخذٍ قلبي وطيشه
كنت أواجه دنيتي من برج عالي
كل ثقل بخاطري بالخف ريشة
وكل شين يمرّني زين ومثالي
لكن النّاس اعرفوا ما من نحيشة
غيّروك وصرت بالواقع لحالي