انتشيت بطيب روحك ونفحات الشعور
أنت روحك عودٍ أزرق وقلبك كهرمان
ينوخذ منك التغلي مساحة للسرور
وينحني راس المكابر على العود الليان
كل كلمة منك تاخذ مع الإحساس دور
السوالف منك تسحرني بسحر البيان
تجتمع فيك المفاتن وحاشاك القصور
من عبث عفويتك لين رتم الاتزان
خطوتك بالأرض تزهر لو إن الأرض بور
مدها لين البسيطة توشَّح قحويان
تستحق إنك تباهى بشيء من الغرور
وتستحق أعانقك حب طيش وعنفوان
ما تجي فيك الملامة ولا منك النفور
ولا يمسّ القلب بأطرافك شعور الهوان
كيف أملّك وأنت ليلك توسّط فيه نور
يطرد الوحشة ويعطي السهر حس الأمان
وكيف ما أطمع في كثيرك وأنا رجلٍ غيور
لو فقد لهفة حنينك معه صابه جنان
شاعرٍ تلقى وجودك معه بين الشطور
شيء في سرّ القصيدة، وشيٍ للعيان