بين مفهوم “اعتصامي” والعصامي
طبع ما أخليه حتى فالقصيدة
لا بديت بجل شكري واحترامي
انتهيت بدهشة وفكرة جديدة
راكب اللي من شعوري واهتمامي
كل ما حنيت والطرقة بعيدة
تستفز اسمي وهي تعرف مقامي
لين أقوم.. وتمشي اليا قمت سيده
وإن خذتني عزت الإثم بكـلامـي
اردعتني بالسلوم وبالعقيدة
من يعلم كل من ينشد علامي
لين يقنع من سؤاله ما يزيده
اتركوني بـيـن نصري وانهزامي
كان ما معكم ولا جملة مُفيدة
ما بلغت من الفرح غاية مرامي
لين ضاعت فرصة العمر السعيدة
عقب غابت شمسي وأحلك ظلامي
رحـت أدور نورها وأزريت أعـيـده
وكان مت اقروا على شمسي سلامي
لا أشرقت من غرب ثم صارت وحيدة