على حدب الضلوع اللي وسمها من جفاك الويل
تصدع من غرابيل الزمان ومن غرابيلك
ما بين الليل وأهواله أشوفك مثل نجم سهيل
أراجع ماضي الذكرى وبعضٍ من تفاصيلك
تهيم الروح بالوادي ويجرفها غزير السيل
شعور لو تخيلته فتر عن زمته حيلك
يضيق بيَ النفَس والصدر لين أبادر التهليل
وفكري لو طردته منك يعود لين ياتي لك
وتجري بك عروق الدم ولو يجرون لي تحليل
لقوك بكل ذراتي وقلبي نبضه يشيلك
وأنا والله لولا مانت تستاهل فلا بيميل
شموخ ما جذبه إلا غلاك وبعض تدليلك
تداعب خافقي النسمة إذا هبت بتالِ الليل
وشعوري كلما هبت يصيح من القهر ويلك
تعال تشوف ريضانك عقب ما جف منها الغيل
تساقط من غصوني الورد بعد ما فاتني نيلك