قبل تنوح جروح روحي مع الورق
وقبل تلوح للبواخر بــ يمي
لـ قصر طويلة فاقت بعيني الطرق
قبل الكلام يذوب باطراف فمي!
لا سولف الرعًاد مع ضحكة البرق
تذكري بعدي وقومي وسمّي!
ترى الوله اليا تفرعن تقل حرق
ذروا عليه الملح من بحر همي
فجّي سحابك وانطح لعينك الشرق
واخبن لك فجوج الفسيحة بكمي!
مشتاق لا والله ميت هنا الفرق
وأخاف أطيح ويكسب عداي ذمي
بين المكابر صرت وطعونك الزرق
ما أهدرت ماء وجهي لو أهدرت دمي
من علم عيونك على النهب والسرق
ما علمك وشلون تبقين يـمي!
قدّي الحنايا شوفي النبض والعرِق
بك فقد أبوي وفيك من ضحكة أمي